Literatur von Herbert Nemec

I sammel oft Gedankensplitter
und kann nix tuan damit, sís bitter.
Weil für a schönes lang´s Gedicht
reicht so a Splitter leider nicht.

 

 

 

Blöde Kua

 

Von Herbert Nemec

 

Auf da Oim do steht a Kua
tuat wiederkäuen, und i schau zua

 

 

i denk, wia bled de Kua wohl ist
dass sie des Gras glei zwa moi frisst

 

de Kua se lasst se net beirr´n
tuat weiter zu mir ummastiern

 

 

 

und denkt: wia bled muass dieser Mensch wohl sein?
der schaut ma zua beim Wiederkäuen!! 

 

 

 

Kugelschreiber

 

Von Herbert Nemec

 

 

 

Viel mehr noch als das schärfste Schwert
ist mir mein Kugelschreiber wert.
Zwar von Gestalt nur klein und schmächtig
ist er als Waffe doch recht mächtig.
Trifft auch das Schwert mal hier mal dort
viel mehr schmerzt bös geschrieb´nes Wort !

 

 

 

In Vota sein Wein 

 

von Herbert Nemec

 

 

Mei Vota mocht sein eignen Wein
der kunntat schlechter gor net sein
den kost amoi, du wirst net glaub´m
er nennt des G´söff no Winzertraum.

 

 

Is eh a Traum ,doch mehr a Grus´l
der Wein, des is a echter Fusl
Ois Most und Sturm war a scho hantig
 mei Vota, der wird ziemlich grantig
tua i wos Schlecht´s am Wein entdecken
eam diaft er scheinbar ziemlich schmecken

 

 

Wie Medizin is dieser Wein
geg´n Durchfall nimmt ma diesen ein
Des Krampensaure des is guat
weil´s dir des Arschloch zaumzahn tuat
und tagelang bleibts´s auch verschloss´n
hast du vom Wein gleich mehr genoss´n

 

 

Naturbelassen is da Wein
nur Kopfwehpulver tuat er rein
und de Idee is gor net bled
sonst überlebst den Tropfen net

 

 

Am Besten trinkst eam glei vom Fass´l
sonst z´frisst er dir am End des Glas´l
der Wein is hoit a biss´l  rescher
i sag, des is a Heckenklescher
Doch wannst di traust, schenk ein und kost
i sag auf alle Fälle "PROST"

 

 

 

Holder Knabe

 

von Herbert Nemec

 

 

Holder Knabe, deinem Stern
zu Betlehem, dem leuchtend Roß-
folgten Könige einst gern,
und sie huldigten dem Herrn-
in der Krippe, nackt und bloß.

 

 

Holder Knabe, werd nicht groß
wirst am Kreuze leiden müssen.
Aus dem unbefleckten Schoß
trägst du so ein schweres Los,
mußt für Menschensünden büßen.

 

 

Holder Knabe, lass dich grüßen,
der geweihten Nacht gedenken.
Dein Brot des Lebens woll´n wir küssen,
und dein Wein soll uns den süßen,
Gauben der Erlösung schenken.

 

Schöne Leich

 

von Herbert Nemec

 

Gib i amoi den Löffel ab
und tragt´s mi aussi zu mein Grab
voran mi´n Pfarrer, d´ Ministranten
und hinterher de Anverwandten
brauch i kann Kranz und kane Kerzen
i was i leb in eure Herzen.

 

 

 

Und lasst´s mi obi in de Erd
dann wünsch i ma, daß kana read
i mechat haum, daß ihr eich g´freits
daß ihr net in da Kist´n seid´s.

 

 

 

Geht’s hinterher vielleicht was essen
tuats ma den Pfarrer net vergessen
in Totengraber gebt´s an Schmat
und seids beim Wirten net so fad,
De Musi soll glei lustig  spüln
so mecht i´s  hab´m  ois letzten Wüll´n

 

 

 

und habt´s euch vollg´schag´n dann de Bäuch
so sagt´s "Es war a schöne Leich!"

 

 

 

Klinglbeut´l – Schepperer

 

von Herbert Nemec

 

Mei Großvodda woa Pompfineberer
hot net an´d Kirchensteuer glaubt
dass eam da Teufl d´Seel net raubt
woa er a Klinglbeutl – Schepperer

 

 

 

Mei Großvodda hot se erlaubt
aus da Kirch´n auszutretn
trotzdem tuat er manchmoi bet´n
jed´s Vaterunser aufgeklaubt

 

 

 

Mei Großvodda der hot an Nett´n
Eindruck g´mocht auf unsern Herrgott
der eam schließlich do erlaubt hot
 in´d Himmelspforte einzutret´n

 

 

 

Mei Großvodda der hot do glott
koatngspielt mit d´Haberer
und mit´n Leich´nfladerer
bevor man aussitrog´n hot

 

 

 

Mei Großvodda woa Pompfineberer
in Teufl um de Seel betrog´n
is a in Himmel auffegflog´n
er woa a  Klinglbeutl – Schepperer